Lack of sleep

اس حقیقت سے انکار نہیں کیا جاسکتا کہ اچھی صحت کے لیے اچھی نیند کا ہونا بہت ضروری ہے۔ نیند انسان کی یادداشت پر بھی اثرات مرتب کرتی ہے۔اگر نیند مکمل اور اچھی ہو، تو صحت کے ساتھ ساتھ روز مرہ کی زندگی میں بھی مثبت تبدیلی آتی ہے
لاہور (یس اُردو) امریکا میں نیند پر ایک حالیہ تحقیقی مطالعے میں بتایا گیا ہے کہ اوسطاً ایک بالغ شخص کو 7 سے 9 گھنٹے نیند کی ضرورت ہوتی ہے، جس سے اس کی زندگی میں مثبت تبدیلی آسکتی ہے ،جو ایک بہتر زندگی گزارنے کے لئے بہت ضروری ہے۔عالمی سطح پر نیند نہ آنے کی بڑی وجہ سماجی سطح پر پیش آنے والے مصائب اور مشکلات ہیں ۔ ادھر معالجوں کے مطابق معاشرے کو لاحق مسائل لوگوں کی نیند کو متاثر کرتے ہیں جس سے صحت کمزور ہو جاتی ہے۔نوجوانوں کی نسبت، ادھیڑ عمر کے لوگوں کی نیند طبی طور پر تجویز کردہ نیند سے کم ہوتی ہے۔ روزانہ کی بنیاد پر خواتین مردوں سے آدھ گھنٹہ زیادہ سوتی ہیں ۔ خاص طور پر جن کی عمریں 30 سے 35 سال کی ہوتی ہیں۔ مذکور رپورٹ کے مطابق امریکا میں ہر تین میں سے ایک بالغ 7 گھنٹے سے کم نیند کرتا ہے۔ نیند کی کمی سے شوگر، بلند فشار خون، دل کی بیماریاں لاحق ہو سکتی ہیں جبکہ نیند سے محرومی یا اس میں کمی سے انسانی زندگی کو خطرہ بھی لاحق ہو سکتا ہے ۔