Lady Gaga

نیو یارک….. معروف گلوکارہ لیڈی گاگا رواں سال منعقد کی جانے والی گریمی ایوارڈ تقریب میں ممتاز مرحوم گلوکار ڈیوڈ بوئی کو خراج تحسین پیش کریں گی۔
تقریب آرگنائزرز کی جانب سے میڈیا نمائندگان کوبتایا گیاکہ لیجنڈری موسیقار و گلوکارکی فنی خدمات کے پیش نظر انھیں لائف ٹائم اچیومنٹ ایوارڈ سے بھی نوازا جائے گا۔انھوں نے بتایا کہ وہ گلوکارہ کو پہلے سے ہی شو میں فن کا مظاہرہ کرنے کیلئے بک کر چکے تھے۔ بعد از بوئی کی اچانک موت کی وجہ سے انھیں اپنے پروگرام میں کچھ تبدیلی کرنی پڑی۔ایگزیکٹو پروڈیوسر کین ایرلک نے کہا کہ انھوں نے گلوکار کی وفات کا سن کے چند لمحوں میں اپنے منصوبے میں تبدیلی کا فیصلہ کیا اور لیڈ ی گاگا کو اطلاع دی ۔ گاگا نے بخوشی اس پیشکش کو قبول کر لیا۔
انھو ں نے بتایا کہ ان کے خیال کے مطابق ڈیوڈ بوئی جیسے اعلیٰ پائے کے گلوکار کو خراج تحسین پیش کرنے کیلئے لیڈی گاگا سے بہتر کوئی اور انتخاب ہو ہی نہیں سکتا۔گلوکار ڈیوڈ بوئی رواں برس10جنوری کو کینسر کے باعث نیویارک میں انتقال کر گئے تھے۔