Lahore High Court

لاہور : ہائیکورٹ نے قصور واقعے پر جوڈیشل کمیشن بنانے کے لیے حکومتی درخواست مسترد کردی۔

قصور واقعے پر وزیراعلیٰ پنجاب شہبازشریف نے عدالتی کمیشن کے تحت تحقیقات کا اعلان کیا تھا جس کے لیے آج پنجاب حکومت کی جانب سے چیف جسٹس لاہور ہائیکورٹ کو خط لکھا گیا تھا جس میں جوڈیشل کمیشن تشکیل دینے کی درخواست کی گئی تھی تاہم چیف جسٹس لاہور ہائیکورٹ نے حکومتی درخواست کو مسترد کردیا ہے۔

چیف جسٹس لاہور ہائی کورٹ کا کہنا تھا کہ قصور واقعے پر پولیس پہلے ہی تحقیقات کررہی ہے اور اس حوالے سے ڈسٹرکٹ اینڈ سیشن جج بھی تحقیقات کا حصہ ہیں اس لیے واقعے پر کسی عدالتی کمیشن کی ضرورت نہیں ہے۔

واضح رہے کہ قصورمیں ملکی تاریخ کا سب سے بڑا جنسی اسکینڈل سامنے آیا تھا جس میں 280 بچوں کو زیادتی کا نشانہ بنایا گیا جب کہ ان کی ویڈیوز ریکارڈ کرکے والدین کو بھی بلیک میل کیا گیا۔