لاہور(یس اردو نیوز)پاکستان مسلم لیگ ن کے کرنل ریٹائرڈ مبشر جاوید بلامقابلہ لاہور کے لارڈ میئر منتخب ہوگئے نو منتخب لارڈ میئر نے لاہور کی بھرپور خدمت کرنے کے عزم کا اظہار کر دیا۔
(Lahore Lord Mayor) COL (r) Mubasshar won
لاہور لوکل گورنمنٹ کے آفس میں سکروٹنی کے دن ہی مسلم لیگ ن کے کرنل ریٹائرڈ مبشر جاوید بلا مقابلہ لارڈ میئر منتخب ہوگئے ، ریٹرننگ افسر محمود تمنا کی موجودگی میں پاکستان مسلم لیگ ن کے ہی وسیم قادر نے کرنل ریٹائرڈ مبشر جاوید کے حق میں کاغذات نامزدگی واپس لیے۔
پاکستان تحریک انصاف کے عفیف صدیقی کے پینل کے کاغذات نامکمل ہونے پر مسترد کر دیئے گئے جس کے بعد ریٹرننگ افسر محمود تمنا کی جانب سے کرنل ریٹائرڈ مبشر جاوید کے بلا مقابلہ لارڈ میئر منتخب ہونے کا اعلان کر دیا گیا جس کے بعد کارکنوں نے جشن منایا اور شیر شیر کے نعرے لگائے۔
نو منتخب لارڈ میئر کرنل ریٹائرڈ مبشر جاوید کا کہنا تھا کہ وہ پارٹی قائدین کے مشکور ہیں اور پارٹی کی توقعات پر پورا اترتے ہوئے لاہور کی بھرپور خدمت کریں گے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
