لاہور: واقعہ 23 اکتوبر کو یاسین روڈ پر پیش آیا۔ سی سی ٹی وی فوٹیج میں دیکھا جا سکتا ہے کہ دوپہر بارہ بج کر 10 منٹ پر 2 سالہ عبدالرحمٰن گلی میں چلتا ہوا نظر آتا ہے اور مین ہول کا ڈھکن نہ ہونے کے باعث وہ اچانک اس میں گر جاتا ہے۔ حادثے کے وقت قریب کوئی شخص بھی موجود نہیں تھا۔ اہلخانہ بھی بچے کے ساتھ پیش آنے والے حادثے سے بے خبر رہے جنہوں نے اس کے اغواء کا مقدمہ درج کروا دیا۔ متوفی عبدالرحمٰن کی لاش تیسرے روز مین ہول سے ملی تو پولیس نے ضروری قانونی کارروائی کے بعد میت ورثاء کے حوالے کر دی۔