traffic warden had tortured civilians

لاہور میں ٹریفک وارڈن قابو سے باہر ہونے لگے۔ مال روڑ پر شہری کو تشدد کا نشانہ بنا ڈالا۔ دنیا نیوز نے فوٹیج حاصل کر لی۔
لاہور: (یس اُردو) ٹریفک وارڈنز اور شہریوں کے مابین تصادم کے واقعات بڑھتے ہی چلے جا رہے ہیں۔ ہفتہ کے روز مال روڈ پر بھی ایسا ہی واقعہ پیش آیا جب چالان کرنے پر شہری مشتعل ہوا تو ڈیوٹی پر موجود ٹریفک وارڈنز نے اس کی خوب درگت بنائی۔ موبائل فوٹیج میں دیکھا جا سکتا ہے کہ راہ گیروں نے تشدد کا نشانہ بننے والے شہری کو چھڑوانے کی ہر ممکن کوشش کی لیکن ٹریفک وارڈنز اسے کسی قیمت پر چھوڑنے کو تیار نہیں۔ شہری کے مطابق جھگڑا چالان کرنے کی وجہ سے ہوا جبکہ ٹریفک وارڈنز کا مؤقف ہے کہ ملزم کے قبضہ سے پستول برآمد ہوا تھا جس پر اسے متعلقہ پولیس کے حوالے کر دیا گیا ہے۔