لاہور:  علامہ اقبال ٹاؤن میں 6 سالہ بچے کو نامعلوم افراد نے اغواء کر لیا۔ چھ سالہ بچہ محمد علی رکشہ میں پیر کے روز سکول سے واپس آ رہا تھا کہ نامعلوم افراد نے اسے اغواء کر لیا۔ والدین بیٹے کی یاد میں غم سے نڈھال ہیں۔ کہتے ہیں کسی سے لین دین کا تنازع ہے نہ ہی کوئی عداوت ہے۔ کمسن محمد علی پانچ بہن بھائیوں میں سب سے چھوٹا اور مقامی نجی سکول میں نرسری کا طالبعلم تھا۔ پولیس نے والد کی مدعیت میں مقدمہ درج کر کے تحقیقات شروع کر دی ہیں۔