لاہور: بھوت پریت ، جادوگروں ، جن اور پریوں سے منسلک تہوار ہیلووین منانے کے لئے لڑکے لڑکیوں نے دھارے نت نئے روپ ، اور کہیں سجائے گئے فوڈ فیسٹول ۔ ماحول میں حقیقی رنگ بھرنے کے لئے فوڈ آئٹمز میں بھی ہیلووین کے نمونے سجائے گئے ، خوفناک روپ دھارے ان نوجوانوں کو دیکھ کر آپ ڈر گئے ہیں تو یہ یقیناً ان کی کامیابی ہے ۔ ڈراؤنے چہرے اور رنگ برنگ کاسٹیوم ، ہیلووین ایسا موقع ہے کہ جس کا جو دل چاہے ویسا روپ دھارے ۔ سٹوڈنٹس نے بھی کوشش کی منفرد انداز میں سب کو ڈرانے کی ۔ ہیلووین کی تقریب کو منانے کے لئے سجایا گیا فوڈ گالا ، جہاں ہورر بوفے ، جن چڑیلوں کی اشکال والے سلاد ، کیک اور سویٹ ڈشز بھی خاص طور پر تیار کی گئیں اور بچوں بڑوں نے خوب انجوائے کیا ۔ اس موقعے پر پھول چہروں نے فیس پینٹنگ بھی کرائی اور ہلیووین سےمنسلک سجاوٹ کی اشیا دیکھ کر دل خوش کرتے رہے ۔