Lala Musa ”natyh utqryry

لالہ موسیٰ(جمیل احمدطاہر) اسلامی جمعیت طلبہ لالہ موسیٰ کے زیراہتمام’’ لالہ موسیٰ انٹرسکولز‘‘نعتیہ وتقریری مقابلوں کا انعقادکیاگیا،تقریب کی صدارت امیرجماعت اسلامی زون 112چوہدری عرفان احمدصفی نے کی جبکہ امیرجماعت اسلامی لالہ موسیٰ محمداحسان اللہ بٹ،نائب امیرزون سیدحارث احسان شاہ،جنرل سیکرٹری پیپلزپارٹی لالہ موسیٰ حاجی شکیل احمدقریشی ،قاری طالب حسین ،میربابرمشتاق مہمان خصوصی تھے ،سکولوں کے طلبہ نے نعت رسول مقبول اور’’وہ نبیوں میں رحمت لقب پانے والا‘‘ کے عنوان سے تقاریرکیں،مقابلوں میں فسٹ ،سیکنڈ،تھرڈآنے والے طلبہ میں ٹرافیاں تقسیم کی گئیں جبکہ مقابلوں میں حصہ لینے والے تمام طلبہ کو بھی گفٹ دیے گئے ،ناظم اسلامی جمعیت طلبہ لالہ موسیٰ عزیرارشدچوہدری سنے اپنے خطاب میں کہاکہ اسلامی جمعیت طلبہ کا مقصدنوجوانوں کو اللہ اور اس کے پیارے رسول ﷺ کی طرف راغب کرنااور معاشرتی برائیوں سے بچاناہے ،ہم سمجھتے ہیں کہ کل کو جب ہم نے روزمحشراللہ کی بارگاہ میں پیش ہوناہے تو کیاجواب دیں گے ،ہماری جوانی کن کاموں میں گزری اس سوال کے جواب کی تیاری کیلئے ہم نوجوانوں کے دلوں میں خوف خدااور عشق رسول ﷺ پیداکرنے کیلئے کوشاں ہیں اور وطن کی محبت بھی نوجوانوں کے دلوں میں پیداکررہے ہیں،امیرجماعت اسلامی لالہ موسیٰ محمداحسان اللہ بٹ نے اختتامی کلمات کہے اور دعاکرائی ۔