عمران خان کی قیادت میں پاکستان ترقی کرے گا اور مسئلہ کشمیر بہت جلد حل ہوگا, عابد ملک

پیرس؍اسلام آباد( ایس ایم حسنین)ٌ پاکستان تحریک انصاف فرانس کے نامزد صدر عابد ملک نے کہا کہ عمران خان کی قیادت میں خون کے آخری قطرے تک ہم کشمیری بھائیوں کے ساتھ کھڑے ہیں عمران خان کی قیادت میں پاکستان ترقی کرے گا اور مسئلہ کشمیر بہت جلد حل ہوگا۔ انہوں نے کہا کہ مسئلہ کشمیرایک عالمی متنازعہ ہے اور بھارت اپنی طاقت کے نشہ میں کشمیرپر قبضہ کرنا چاہتا ہے۔

انہوں نے کہا کہ بھارت ظلم و جبر اور زبردستی سے کبھی مسلمان کشمیریوں کو غلام نہیں بنا سکتا۔ انہوں نے مزید کہا کہ وزیر اعظم عمران خان کی قیادت میں خون کے آخری قطرے تک ہم کشمیری بھائیوں کے ساتھ کھڑے ہیں۔ کشمیریوں کی تحریک آزادی کو دبایا نہیں جاسکتا نہ صرف کشمیری بلکہ بھارت کے اندر بسنے والی اقلیتوں کا بھی جینا دو بھر کردیا گیا ہے ہندوفاشنزم کی وجہ سے بھارت میں انسانی حقوق کی خلاف ورزیاں ایک عرصے سے جاری ہیں۔

بھارتی سیکولرازم بے نقاب ہوچکا ہے۔ اوآئی سی کی طرف سے مسئلہ کشمیر کی خصوصی حیثیت ختم کرنے کے اقدام کو یکطرفہ قرار دینا خوش آئند ہے۔ او آئی سی کومقبوضہ کشمیر میں جاری کرفیو کو ہٹانے کے مطالبہ سے آگے بڑھ کر فوری نوعیت کے اقدامات اٹھانے چاہئیں تاکہ کشمیریوں پر جاری بھارتی مظالم کا خاتمہ اورمسئلہ کشمیر کا حل ممکن ہوسکے۔