وزیراعظم عمران خان کی متحرک اور ولولہ انگیز قیادت میں جلد ہی ملکی اقتصادی بحران پر قابو پا لیا جائے گا،ملک انصر خان

پیرس (نمائندہ خصوصی) تحریک انصاف فرانس کے مرکزی راہنما ملک انصر خان نے حالات حاضر پر تبصرہ کرتے ہوئے کہا کہ عوام کو مخلص ترین حکمران ملے ہیں انشااللہ وزیراعظم عمران خان کی متحرک اور ولولہ انگیز قیادت میں جلد ہی ملکی اقتصادی بحران پر قابو پا لیا جائے گا، ملک کے غریب عوام کے حالات کی بہتری موجودہ حکومت کی اولین ترجیح ہے۔

یس اردو اوورسیز نیوز نیٹ ورک سے بات چیت کرتے ہوئے انہوں نے کہا کہ گزشتہ حکومتوں کی ناکام پالیسیوں کی وجہ سے ملک کو اقتصادی بحران کا سامنا کرنا پڑ رہا ہے لیکن یہ بات قابل قدر ہے کہ پی ٹی آئی کی موجودہ حکومت نے نہایت کم وقت میں خسارے کو کم کیا ہے اور ملکی درآمدات کے اضافے میں کامیاب ہوئی ہے جو حکومت کی موثروکارآمد پالیسیوں کا منہ بولتا ثبوت بھی ہے۔

انہوں نے کہا کہ ہم بالکل درست سمت پر گامزن ہیں اور پرعزم ہیں کہ جلد ہی اقتصادی بحران سے نکلنے میں کامیاب ہو جائیں گے۔