شریف برادران کوعوامی خدمت کی سزا دی گئی، نیب کی انتقامی کارروائیوں سے سرمایہ کار بدظن ہوچکے ہیں، ملک انعام

پیرس/اسلام آباد(ایس ایم حسنین) پاکستان مسلم لیگ ن یوتھ ونگ فرانس کے کوآڈینیٹر ملک محمد انعام نے کہا ہے کہ پاکستان مسلم لیگ ن واحد پارٹی ہے جس نے عوامی اور بین الاقوامی اہمیت کے منصوبوں کو پاکستان لانے کیلئے شب و روز محنت کی اور کامیابی حاصل کی۔ پاکستانی بیوروکریسی، اوورسیز پاکستانی اور ملکی اوربین الاقوامی تاجر پاکستان مسلم لیگ ن اور شریف برادران کی تجارتی پالیسیوں کو قدر کی نگاہ سے دیکھتے ہیں اور شریف برادران کی ایماندارانہ لیڈرشپ کے زیر سایہ اپنی بہترین صلاحیتوں کا مظاہرہ کرچکے ہیں۔ مگر حکومت تمام گزشتہ محنت کو اپنی بدنیتی سے ثبوتاژ کرنےپر تلی ہوئی ہے۔

ان کا کہنا تھا کہ شریف برادران کے بغض میں سی پیک اور عوامی اہمیت کے منصوبوں اورنج ٹرین اور میٹروبس کو تباہ کرنے میں کوئی کسر اٹھا نہیں رکھی گئی۔ نیب اور حکومت کی ان انتقامی کارروائیوں سے ملکی اور بین الاقوامی سرمایہ کار پاکستان سے بدظن ہوچکے ہیں ۔خصوصاً سلیکٹڈ وزیراعظم نے  اسلامی دنیا کے عظیم راہنمائوں مہاتیر محمد اور طیب اردوان کو جس طرح نراش کیا ہے اس کے بعد ایجنٹ سلیکٹڈ وزیراعظم کی اصلیت کھل کر سامنے آچکی ہے۔