عظیم خاتون اول جسے اسلامی دنیا کی پہلی وزیراعظم کی ماں ہونے کا اعزازحاصل ہوا، عظیم مادر جمہوریت کی آٹھویں برسی پرخراج عقیدت، ملک محمد اجمل

بیلجئم؍اسلام آباد(ایس ایم حسنین) پاکستان پیپلز پارٹی بیلجئم کے مرکزی راہنما ملک محمد اجمل نے   مادر جمہوریت بیگم نصرت بھٹو کی 8ویں برسی پر شاندار الفاظ میں انھیں خراج عقیدت پیش کرتے ہوئے کہا کہ مصائب وآلام سے گزر کر جمہوری جدوجہد کے ذریعے پاکستان پیپلز پارٹی کو قائم رکنے والی عظیم باہمت خاتون راہنما بیگم نصرت بھٹو جنھیں اسلامی دنیا کی پہلی وزیراعظم کی ماں ہونے کااعزاز بھی حاصل ہوا ان کی برسی اس عظیم شخصیت کوخراج تحسین پیش کرنے کا دن ہے۔ ؎

ان کا کہنا تھا کہ عظیم مادر جمہوریت کو بطور خاتون راہنما دنیا میں وہ مرتبہ حاصل ہوا جو کسی سیاسی خاندان کی خاتون کو حاصل نہیں ہوسکا۔ انہوں نے مصائب وآلام کے کوہ گراں سر کیے مگر پھر بھی ہمت نہ ہاری اور اپنے شوہر، بیٹے، بیٹی کی قربانی دے کر بھی اس ملک کو جمہوریت کی صورت میں روشنی کی کرن عطا کی جس کیلئے اس ملک کے عوام انھیں ہمیشہ اپنی دعائوں میں یاد رکھیں گے۔

مادر جمہوریت بیگم نصرت بھٹو کی آٹھویں برسی ہمیں ایک باہمت اورغموں کے پہاڑ اورسانحات کا تن تنہا مقابلہ کرنے والی خاتون راہنما کی یاد دلاتی ہے ، چوہدری جہانگیر نواز