اسلام آباد: ایل پی جی مارکیٹنگ کمپنیوں نے ایل پی جی کی قیمت میں 20روپے فی کلو کا اضافہ کر دیا ہے جس کے بعد گھریلو سلنڈر کی قیمت میں 230 روپے اور کمرشل سلنڈر کی قیمت میں 900 روپے کا اضافہ ہوگیا ہے۔

Marketing companies made expensive LPG Rs.20 kg

ایل پی جی ڈسٹری بیوٹرز ایسوسی ایشن کے چیئرمین عرفان کھوکھر کے مطابق بین الاقوامی مارکیٹ میں 89ڈالر اضافہ ہونے کے بعد قیمت 359 ڈالر سے بڑھ کر 448ڈالر پر پہنچ گئی ہے۔ ایل پی جی کی قیمت میں اضافے کے بعد کراچی میں ایل پی جی کی قیمت 85 روپے فی کلو اور گھریلو سلنڈر 970روپے کا ہو گیا ہے جبکہ لاہور، گوجرانوالہ، فیصل آباد، جہلم، قصور، ساہیوال، سیالکوٹ، ڈسکہ، پشاور میں ایل پی جی کی فی کلو قیمت 90 روپے اور گھریلو سلنڈر 1030 روپے کا ہو گیا ہے۔