Martyr of truth, we will never forget your sacrifice

سانحہ پشاور کے ننھے شہید وں کو خراج عقیدت پیش کرنے کے لئے پوری قوم یک جان ہے اور ہمارا عزم ہے اپنی زندگی کا نذرانہ دے کر ان شہداء نے جو سفرشروع کیا ہے اس کو ہم منزل تک پہنچائیں گے۔ شہر شہر شمعیں روشن کر کے شہداء کو یاد کیا جا رہا ہے۔
لاہور: (ویب ڈیسک، یس اُردو) وہ جو علم حاصل کرنے گئے پھر کبھی لوٹ کر نہ آئے۔ آج ہر دل اُن کی یاد میں اُداس ہے۔ انہی کی یاد میں ہر طرف شمیں روشن ہیں۔ لاہور میں ضلعی انتظامیہ اور سول سوسائٹی نے جناح لائبریری سے پنجاب اسمبلی تک مشعل بردار ریلی نکالی ۔
کرکٹرز وہا ب ریاض، محمد عامر ، اساتذہ اور طلبا نے شرکت کی اور ننھے شہیدوں کے عزم و ہمت کو سلام پیش کیا۔ پھولوں کے شہر پشاور میں بھی دیئے جلائے گئے ۔حیدر آباد میں اسکولوں کے بچوں نے سانحہ پشاور کے بچوں کے ورثاء سے اظہار یکجہتی کے لیے اپنا مخصوص پیغام148 ہم بھی آپ کے بچے ہیں147دیا۔ ملتان کے گیریژن پارک میں کور کمانڈر لیفٹننٹ جنرل اشفاق ندیم نے شمعیں روشن کر کے ننھے پھولوں کو خراج عقیدت پیش کیا۔فیصل آباد کے شہری بھی نئے عزم کے ساتھ میدان میں نکلے اور دشمن کو للکارا کہ تم بزدل ہو اور ڈرپوک بھی ہو یہ جنگ ہم ہی جیتں گے۔ شرکاء نے اقبال اسٹیڈیم پہنچ کر شمعیں روشن کیں