لاہور (نیوز ڈیسک ) بارشوں کا سلسلہ مزید کئی روز تک جاری رہنے کی پیشن گوئی، رواں ہفتے ملک کے بالائی اور وسطی علاقوں میں تیز ہوائوں، آندھی اور گرج چمک کے ساتھ مون سون کی مزید بارشیں ہوں گی، سیلابی صورتحال میں شدت آنے کا بھی خدشہ۔ محکمہ موسمیات کے مطابق رواں ہفتہ کے دوران کشمیر، اسلام آباد، بالائی پنجاب اور بالائی خیبرپختونخوا میں تیز ہوائوں اور گرج چمک کے ساتھ بارش کا امکان ہے۔ اس دوران راولپنڈی، گوجرانوالہ، لاہور ڈویژن، اسلام آباد اور کشمیر میں چند مقامات پر موسلادھار بارش کا بھی امکان ہے۔ آئندہ 24 گھنٹوں میں کشمیر، اسلام آباد، ہزارہ، راولپنڈی، گوجرانوالہ، سرگودھا، فیصل آباد، لاہور ڈویژن میں کہیں کہیں جبکہ مالاکنڈ، پشاور، کوہاٹ، مردان، بنوں، ژوب، ڈی جی خان اور ساہیوال ڈویژن میں چند مقامات پر تیز ہوائوں/آندھی اور گرج چمک کے ساتھ بارش کا امکان ہے۔اس دوران چند مقامات پر موسلا دھار بارش کا بھی امکان ہے۔ گزشتہ 24 گھنٹوں کے دوران لاہور، سرگودھا، گوجرانوالہ، فیصل آباد، راولپنڈی، ڈی جی خان، مالاکنڈ، ہزارہ ڈویژن، اسلام آباد اور کشمیر میں کہیں کہیں جبکہ ژوب، پشاور ڈویژن اور گلگت بلتستان میں چند مقامات پر تیز ہوائوں/آندھی اور گرج چمک کے ساتھ بارش ہوئی۔ سب سے زیادہ بارش پنجاب میں ٹوبہ ٹیک سنگھ 55، لاہور (ائیرپورٹ40، سٹی06)، اٹک27، لیہ11، چکوال10، جہلم09، مری، منگلا08، اسلام آباد (ائیرپورٹ، گولڑہ06)، جوہرآباد 04، قصور03، منڈی بہاوالدین02، گجرات01، کشمیر میں مظفرآباد39، گڑھی دوپٹہ 19، راولاکوٹ03، خیبرپختونخوا میں بالاکوٹ26، چراٹ22، کاکول17، پٹن16، دیر03، مالم جبہ01، بلوچستان میں ژوب 9 ملی میٹر بارش ریکارڈ کی گئی۔پیر کو ملک میں زیادہ سے زیادہ درجہ حرارت دالبندین میں 46 ڈگری سینٹی گریڈ، نوکنڈی 45، سبی، دادو، موئنجو داڑو، شہید بے نظیر آباد اور لاڑکانہ میں 44 ڈگری سینٹی گریڈ ریکارڈ کیا گیا۔