پیرس(نمائندہ خصوصی) پاکستان تحریک انصاف فرانس کے صدر میاں ذوالفقار جتالہ نے کہا ہے کہ  جب کہ کالاباغ ڈیم کا منصوبہ شروع ہوا اس پر آہستہ آہستہ سیاست کے بعد اسے متنازعہ بنا کر روک دیا گیا اسی طرح اب ملک کی ترقی اورخوشحالی کیلئے دیامیر بھاشا اورمہمند ڈیم اورتربیلا ڈیم ایکسٹینشن کا کام شروع کیا گیا تو ملک دشمن عناصر پھر سے اٹھ کھڑے ہوئے ۔ اس پر محب وطن لوگوں کو سوچنا چاہیے اور اس کو شکست دینے کیلئے دیامیر بھاشا ڈیم بنانے کیلئے زیادہ سے زیادہ عطیات دینے چاہییں۔

پاکستان کی ضرورت کے تحت جتنے ڈیمز بنائے جائیں کم ہیں۔ زیر زمین پانی ریاست کی ملکیت ہوتی ہے اور ہم نے کھربوں روپے کا پانی مفت میں دے دیا جب کہ ڈیمز تو بننے ہیں۔ یہ ملکی بقاء کے لئے بہت ضروری ہیں۔