Zahid Mustafa Awan

پیرس (زاہد مصطفیٰ اعوان) پاکستان مسلم لیگ ق کو بڑا جھٹکا پاکستان مسلم لیگ کے صدر راجہ شنات اختر اور چیف آرگنائیزر ڈنمارک مرزا اظہر بیگ نے مسلم لیگ ق کو خیرآباد کہہ کر مسلم لیگ ن میں شمولیت کر لی گذشتہ روز اس کا باقاعدہ اعلان میڈیا کے نمائندوں کے سامنے ریڈیو آپ کی آواز پر کیا گیا۔

جس میں مسلم لیگ ن کے چیف آرگنائیزر ملک محمدصدیق نے راجہ شنات اختر اور مرزا اظہر بیگ کے ساتھ مشترکہ پریس کانفرنس میں کیا جس میں ق لیگ کی قیادت نے مسلم لیگ ن میں شمولیت کا اعلان کیا اور کہا کہ وہ مسلم لیگ کی پالیسیوں کی مثبت پالیسیوں کی وجہ سے شمولیت کر رہے ہیں اور مسلم لیگ کی مقامی قیادت کو اپنے مکمل تعاون کا یقین دلاتے ہیں۔

اس موقعہ پر چیف ارگنائیزر سکینڈے نیویا مسلم لیگ ن ملک صدیق نے کہا کہ مسلم لیگ کی ڈنمارک میں بڑی کامیابی ہے ہم اپنے آنیوالے دوستوں کو یقین دلاتے ہیں ان کو پارٹی میں عزت اور تکریم دی جائے گی جس کے وہ حقدار ہیں اس موقعہ پر ملک صدیق کا کہنا تھا جلد ہے پاکستان مسلم لیگ ن کو ڈنمارک میں منظم کیا جائے گا۔

بڑے پیمانے پر پارٹی عہدوں میں تبدیلیوں کا اشارہ دیتے ہوئے کہا کہ پاکستان مسلم لیگ ایک بڑی جماعت ہے اس کو تنظیم سازی کے حوالے سے بھی بڑا نظر آنا چاہئے۔