Mohammad Ali

لاہور ……عہد ساز اداکار، دو دہائیوں تک پاکستان فلمی صنعت پر راج کرنے والے عظیم فنکار محمد علی کو آج ہم سے بچھڑے 10 برس بیت گئے، فن اداکاری پر انمٹ نقوش چھوڑنے والایہ فنکار آج بھی مداحوں کے دلوں میں زندہ ہے۔
رعب دار آواز کے مالک محمد علی پہلے صداکار بنے پھر فلمسٹار،ریڈیو سے جذبات کے اظہار کا فن ایسا ہاتھ آیا کہ فلموں میں گیت ہوں یا مکالمے محمد علی کافن عروج پر دکھائی دیا ۔1962ء میں فلم چراغ جلتا رہا سے فنی کیرئیر کا آغاز کرنے والی محمد علی دو دہائیوں تک سپر سٹار بنے رہے۔اس عظیم فنکار نے کیرئیر میں 300 سے زائد فلموں میں اداکاری کی۔محمد علی جتنے بڑے اداکار تھے اس سے بڑھ کر انسانیت کے خدمت گارتھے، کئی فلاحی تنظیموں سے منسلک رہے اور مرتے دم تک انسانیت کی خدمت کی۔فلمی دنیا اور ان سے پیار کرنے والوں کو محمد علی کی کمی شدت سے محسوس ہوتی رہے گی۔