لاہور: چیمپئنز ٹرافی کے فاتح قومی ٹیم کے کھلاڑیوں کی وطن واپسی کا سلسلہ جاری ہے اور محمد حفیظ اور جنید خان کا بھی وطن پہنچنے پر شاندار استقبال کیا۔

Mohammad Hafeez and Junaid Khan have a great welcome on returning home

قومی ٹیم کے مڈل آرڈربلے باز محمد حفیظ لاہور پہنچے تو ایئرپورٹ پر ان کے بیٹے، بیٹی اور رشتہ داروں سمیت شائقین کرکٹ کی بڑی تعداد نے ان کا پرتپاک استقبال کیا۔ محمد حفیظ کا کہنا تھا کہ چیمپئنزٹرافی جیتنے میں اپنا حصہ ڈالنے پربہت خوش ہوں، دعا ہے ہم اسی طرح قوم کوآئندہ بھی خوشیاں دیتے رہیں اور قوم اسی طرح ہمیں سپورٹ کرتی رہے۔ قومی ٹیم کے فاسٹ بالرجنید خان اسلام آباد ایئرپورٹ پہنچے جہاں فاسٹ بالر کو سامان گم ہونے کی وجہ سے پریشانی کا بھی سامنا کرنا پڑا، بعد ازاں جنید خان پولیس سیکیورٹی میں موٹر وے کے راستے صوابی روانہ ہوئے جہاں صوابی اُن کا والہانہ استقبال کیا گیا۔ جنید خان نے کہا وہ قوم کی خوشی پر آج بہت خوش ہیں۔ جنید خان کا کہنا تھا کہ بھارت کے کے خلاف میچ ہارے تو سب نے کہا کہ یہ ٹیم چیمپئنزٹرافی نہیں جیت سکتی لیکن ٹھان لیا تھا کہ جیت کے سوا کوئی دوسرا آپشن نہیں ہے اور پھر ٹرافی جیت کر قوم کو خوشیوں کا تحفہ دیا۔