کراچی (ویب ڈیسک) ایم کیو ایم پاکستان کے رکن سندھ اسمبلی محمد وجاہت انتقال کر گئے، وہ سرطان کے مرض میں مبتلا تھے۔ ایم کیو ایم کے کنوینر ڈاکٹر خالد مقبول صدیقی نے ان کے انتقال پر رنج و غم کا اظہار کیا ہے۔ ترجمان متحدہ قومی موومنٹ پاکستان کے مطابق
پی ایس 94 لانڈھی سے ایم کیو ایم پاکستان کے رکن سندھ اسمبلی محمد وجاہت سرطان کے باعث انتقال کر گئے۔ مرحوم کی نماز جنازہ بعد نماز ظہر دارالعلوم کورنگی میں ادا کی جائے گی اور تدفین کورنگی نمبر ایک قبرستان میں ہو گی۔ کنوئیر ایم کیو ایم ڈاکٹر خالد مقبول صدیقی نے محمد وجاہت کے انتقال پر رنج و غم کا اظہار کرتے ہوئے کہا ہے کہ محمد وجاہت نہ صرف ایم کیو ایم بلکہ پوری قوم کا سرمایہ تھے، آج ایم کیو ایم ایک سچے، ایماندار اور باہمت شخص سے محروم ہو گئی ہے۔ دوسری جانب سابق وفاقی وزیر جام معشوق علی امریکی شہر ہیوسٹن میں وفات پاگئے۔صوبہ سندھ کے ضلع سانگھڑ سے تعلق رکھنے والے جام معشوق سابق وزیراعلیٰ سندھ جام صادق کے بیٹے تھے۔2015 میں جام معشوق علی کو سابق وزیراعظم محمد نواز شریف نے اپنا مشیر برائے سیاسی امور مقرر کیا تھا جن کا مرتبہ وفاقی وزیر کے برابر تھا۔
