پیرس؍اسلام آباد(ایس ایم حسنین) پیرس کی معروف سماجی شخصیت محمد افراسیاب اور مسلم لیگ ن فرانس کے سینئر راہنما راجہ علی اصغر کے زیر اہتمام دوست احباب کے اعزاز میں پرتکلف عشائیہ دیا گیا عشائیے میں پیرس کی معروف سیاسی وسماجی شخصیات اور دوست احباب کے علاوہ سعودی عرب سے آئے ہوئے صحافی جہانزیب نے خصوصی شرکت کی۔

پیرس میں آباد پاکستانی اپنے وطن کی خوبصورت روایات کو زندہ رکھتے ہوئے اپنے دوستوں کے ساتھ مل بیٹھتے ہیں اور ایک دوسرے کی دعوتوں میں شریک ہوکر اپنے پاکستانی ہونے کا بھرپور اظہار کرتے ہیں۔ آج کی مصروف ترین طرز زندگی میں یورپ میں بسنے والے پاکستانیوں میں یہ انتہائی خوبصوت جذبہ ہے جو ان کے پاکستانی ہونے کا بھرپور اظہار ہے۔ ہمارے پاکستانی یورپ میں بھی اپنی مہمان نوازی اور دوستوں کے ساتھ محبتوں کے اظہار کو زندہ رکھتے ہیں

پیرس میں عرصہ دراز سے آباد پاکستانی سیاسی گھرانے کے معروف راہنما راجہ علی اصغر اور ان کے دوست سماجی راہنما محمد افراسیاب کی طرف سے ایسا ہی جذبہ دیکھنے میں آیا ۔ انہوں نے عید الفطر کے فوری بعد اپنے دوستوں احباب کے ساتھ انہتائی خوبصورت شامل کا اہتمام کیا۔ جس میں پیرس کی سیاسی وسماجی شخصیات نے بھرپور شرکت کی۔ اس موقع پر سعودی عرب میں بسنے والے سینئر صحافی محمد جہانزیب بھی موجود تھے انہوں نے بھی پیرس کے دوستوں کی مہمان نوازی اور خوش مزاجی کو خوب سراہا ۔ اور تمام دوستوں کے ایک ساتھ دعوت میں شریک ہونےاور گپ شپ کو خوبصورت پاکستانی روائت قرار دیتے ہوئے معزز میزبانوں محمد افراسیاب اور راجہ علی اصغر کے جذبہ کی تعریف کی ۔