حکومت نے پرانے کلچر کو یکسر تبدیل کردیا، قانون کی بالادستی واصلاحات کا ماضی میں تصور بھی نہیں تھا، محمد اکرام رانجھا

پیرس/اسلام آباد(ایس ایم حسنین) پاکستان تحریک انصاف کے مرکزی راہنما محمد اکرام رانجھا نے کہا ہے کہ حکومت نے ملک میں رائج تھانہ اورآئین کی دلالی کے کلچر کو یکسر تبدیل کردیا ہے۔ نیچے سے اوپر ملک کے تمام طبقات میں تبدیلی کی لہر پیدا ہوچکی ہے۔ ماضی کی حکومتوں میں پاکستان اوربیرون ملک مقیم پاکستانی اس بات  کا تصور بھی  نہیں کرسکتے تھے۔

ان کا کہنا تھا کہ موجودہ حکومت نے آئین و قانون کی بالادستی اور کرپشن کے خلاف جو بیانیہ دیا  کرپشن میں لتھڑے فرسود نطام سے بیزار عوام اور معاشرے کے تمام طبقات نے اسے کھلے دل سے قبول کیا ہے۔ لوگ اب رشوت ، چوربازاری، بلیک میلنگ اورکرپشن کیخلاف حکومت کے دست وبازو بن چکے ہیں انشااللہ ہماری قوم بہت جلد ترقی کی منازل طے کریگی۔