Hafiz Naeem

کراچی (جیوڈیسک) امیر جماعت اسلامی کراچی حافظ نعیم الرحمان نے کہا کہ جماعت اسلامی نے این اے246 کے ضمنی اور کنٹونمنٹ بورڈ کے انتخابات میں بھرپور حصہ لیا، آئندہ بلدیاتی انتخابات ہدف ہیں اور جماعت اسلامی ان میں بھرپور حصہ لے گی۔

کراچی میں ادارہ نورحق میں جماعت اسلامی کراچی کے امیر حافظ نعیم الرحمان نے کہا کہ امیر جماعت اسلامی پاکستان سراج الحق نے کراچی کے کارکنوں اور بالخصوص ضلع وسطی کے کارکنوں کو خراج تحسین پیش کیا۔

ان کا کہنا تھا کہ وہ بہت جلد کراچی آئیں گے اور ضلع وسطی کے کارکنوں کو جرات واستقامت کا مظاہرہ کرنے پر مبارکباد دیں گے۔ سراج الحق کراچی میں اگلے ماہ ایک بڑے ورکرز کنونشن سے خطاب کریں گے اور اسی کے ساتھ جماعت اسلامی کی بلدیاتی انتخابی مہم کا آغاز بھی ہو جائے گا۔

اس موقع پر سیکریٹری کراچی عبدالوہاب، نائب امرا اسامہ رضی، ڈاکٹر واسع شاکر، سمیت دیگر رہنما اور کنٹونمنٹ بورڈ کے انتخابات میں کامیاب ہونے والے امیدوار بھی موجود تھے۔