Nabeel Shabbir Janjua

لیوٹن برطانیہ : آل جموں کشمیر مسلم کانفرنس لیوٹن برانچ برطانیہ کے رہنما نبیل شبیر جنجوعہ نے اپنے ایک اخباری بیان میں کہا کہ مسلم کانفرنس آزاد کشمیر کی سب سے بڑی سیاسی جماعت ہے جس کی قیادت ہمیشہ اعلی ہاتھوں میں رہی مسلم کانفرنس کی قیادت ہمیشہ اصولی سیاست پر کاربند رہی اور جماعت سمیت کشمیریوں کو ان کا کھویا ہوا وقار دلانے کی بھر پور کوشش کرتی رہی ہے جس میں انہیں خاطر خواہ کامیابی ملی ۔ جماعت کے لئے برطانیہ میں جس طرح آل جموں کشمیر مسلم کانفرنس برطانیہ نے عوام میں جا کر سیاسی شعور بیدار کیا اس کی بھی مثال نہیں ملتی اور اس میں صدر جماعت برطانیہ برانچ اور جنرل سیکرٹری شبیر ملک کی انتھک محنت شامل ہے شبیر ملک اپنی بساط سے بڑھکر جماعت کے لئے کام کیا اسی لئے صدر جماعت جناب عتیق احمد خان نے انکو برطانیہ میں جماعت کے اہم عہدے کے لئے چنا ۔

پارٹی قیادت کے فیصلوں نے ہمیشہ ذاتی مفاد ات پر ریاستی مفادات کو ترجیح دی اور پارٹی کو مزید مستحکم بنانے کی ہر ممکن کوشش کی ۔ سردار عتیق خان آزاد کشمیر کی سیاست میں انقلابی تبدیلیاں لا سکتے ہیں جیسا کہ انہوں نے ماضی میں آزاد کشمیر میں تعمیر ترقی کے حوالے سے کشمیری عوام کی خدمت کی ۔ مسلم کانفرنس کے تمام کارکنان سمیت دنیا بھر میں مقیم کشمیر یوںکی نظریںسردار عتیق خان پر ہیں ۔ آمدہ الیکشن موجودہ حکومت کے لئے سیاسی موت ثابت ہوگا موجودہ حکومت نے سوائے کرپشن کے عوام کو کچھ نہیں دیا اب وقت آ گیاہے کہ عوام اپنے حقوق کے لئے اٹھ کھڑے ہوں اور آل جموں کشمیر مسلم کانفرنس کو الیکشن میں کامیابی دلا کر اپنے حقوق کا تحفظ کریں ۔