MUSTAFA, KAMAL, CHAIRMAN, PAK SARZAMEEN, PARTY

پاک سرزمین پارٹی کے رہنما مصطفیٰ کمال نے کہا ہے کہ ستر سال سے مائنڈ سیٹ تبدیل نہیں ہورہا، پاکستان کے اہم ذمے داروں کو کہنا چاہتا ہوں کہ اس مائنڈ سیٹ سے نقصان ہوگا۔نیب دفتر میں پیشی کے بعد صحافیوں سے گفتگو کرتے ہوئے مصطفیٰ کمال کا کہنا تھا کہ مجھے اس طرح ڈیل نہیں کیا جاسکتا، پورے پاکستان میں کیا میں ہی رہ گیا ہوں جسے نیب خط بھیج رہا ہے، کیا اس بات کی سزا دی جارہی ہے کہ میں نے کراچی میں را کے ایجنٹ کا کردار ختم کیا، کیا آپ لوگوں کو واپس بانی متحدہ کے پاس بھیجنا چاہتے ہیں۔چیئرمین پاک سرزمین پارٹی مصطفیٰ کمال کا کہنا تھا کہ وہ اپنے بچوں کو روتا چھوڑ کر مشن لے کر وطن آئے، یہاں کوئی نہ کوئی افلاطون یا آئن اسٹائن یہ منصوبے بنا رہا ہے کہ مصطفیٰ کمال کو لاک لگایا جائے۔