Muzaffargarh: 2 judges
مظفر گڑھ میں میپکو نے ایڈیشنل ڈسٹرکٹ اینڈ سیشن جج اور ایک سول جج کے گھر پر چھاپہ مار کر لاکھوں روپے مالیت کی بجلی چوری پکڑ لی لیکن کنیکشن منقطع کرنے کے باوجود تاحال پولیس مقدمہ درج نہ کر سکی۔
مظفر گڑھ: (یس اُردو) میپکو سب ڈویژن مظفر گڑھ کے ایس ڈی او رانا مظہر لطیف نے اپنی ٹیم کے ہمراہ ججز کالونی میں چھاپہ مارا جہاں ایڈیشنل ڈسٹرکٹ اینڈ سیشن جج مسٹر نوید حسین اور سول جج عارف خان کے گھر پر کنڈیوں کے ذریعے بجلی چوری کی جا رہی تھی جس پر میپکو کی ٹیم نے لاکھوں روپے کی بجلی چوری کرنے پر دونوں ججز کے گھروں کی بجلی منقطع کر دی اور تھانہ سول لائن میں مقدمے کے اندراج کی بھی درخواست دے دی ہے لیکن تاحال مقدمہ درج نہیں کیا گیا جس پر ایس ڈی او نے مقدمے کے اندراج کے لئے عدالت سے رجوع کر کے میپکو حکام کو صورتحال سے آگاہ کر دیا ہے تاہم ججز نے بجلی چوری کے حوالے سے کسی بھی قسم کا مؤقف دینے سے انکار کر دیا ہے۔
