بھارتی وزیر خارجہ سشما سوراج نے کہا ہے کہ میانمار کو روہنگیا مسلمانوں کو واپس لینا پڑے گا ، روہنگیا بحران وسیع نوعیت کا ہے ، اس قدر بڑی تعداد میں ان پناہ گزینوں کی دیکھ بھال اور ان کی ضروریات کو پورا کرنا بنگلہ دیش کیلئے ممکن نہیں ہو گا، بنگلہ دیشی وزیر اعظم شیخ حسینہ واجد سے ملاقات کے دوران بھارتی وزیر خارجہ نے کہا کہ طویل المدتی بنیادوں پر پناہ گزینوں کی اس قدر بڑی تعداد کا خیال رکھنا بہت مشکل کام ہے ، واضح رہے کہ ان روہنگیا مہاجرین نے بنگلہ دیش کے کوکس بازار میں عارضی کیمپوں میں پناہ لی ہوئی ہے اور یہ بحران اس وقت عالمی توجہ کا مرکز بنا ہوا ہے۔