NAB 70 issued notices

نیب حکام نے محکمہ پولیس میں ایک ارب روپے سے زائد کی کرپشن پر ستر پولیس افسران کو نوٹس جاری کر دئیے اور انہیں 21 مارچ سے 25 مارچ کے درمیان بیانات قملبند کرانے کے لئے طلب کر لیا گیا ہے۔
کراچی: (یس اُردو) قومی احتساب بیورو نے محکمہ پولیس میں ایک ارب چار کروڑ روپے کی کرپشن کی تحقیقات آغاز کر دیا، محمکہ میں بدعنوانی کے سلسلے میں نیب حکام نے سابق آئی جی سندھ غلام حیدر جمالی سمیت محکمہ پولیس کے ستر افسران کو نوٹس جاری کر دئیے۔ ذرائع کے مطابق جن افسران کو نوٹس جاری کئے گئے ہیں ان میں ڈی آئی جی ہیڈ کوارٹرز علیم جعفری، ڈی آئی جی ویسٹ فیروز شاہ، ڈی آئی جی سی آئی ڈی عارف حنیف اور 19 ایس ایس پیز، 13 ڈی ایس پیز اور سات اے ایس آئی، کلرک اور جونئیر کلرک شامل ہیں۔ ذرائع کے مطابق جاری کردہ نوٹس کے مطابق تمام افسران کو 21 مارچ سے 25 مارچ کے درمیان نیب میں پیش ہو کر بیانات قلمبند کرانے کا کہا گیا ہے۔