Nadia Hussain left for Hajj

کراچی: معروف ماڈل و اداکارہ نادیہ حسین فریضہ حج کی ادائیگی کیلئے گزشتہ شب اپنے شوہرعاطف اور ساس کے ہمراہ روانہ ہوگئیں ۔ روانگی سے قبل ان کا کہنا تھا اللہ پاک کا کرم ہے کہ یہ سعادت مل رہی ہے ۔ ان کے علاوہ دیگر فیشن فو ٹو گرافر احمد بھی حج کی سعادت حاصل کرینگے۔ نادیہ حسین نے کہا کہ طویل مدت سے ان کی خواہش تھی کہ وہ بیت اللہ شریف اور روضہ رسول کی زیارت کریں اور اپنے پیارے وطن کی سلامتی اور خوشحالی کیلئے دعائیں کریں ۔ نادیہ حسین نے کہا کہ ان کی اللہ تعالیٰ سے دعا ہے کہ ہر مسلمان کو حج کی سعادت حاصل ہو کیونکہ اللہ تعالیٰ کے گھر میں حاضری ہر مسلمان کی خواہش ہوتی ہے ۔ نادیہ حسین نے کہا کہ وہ حج سے واپسی کے بعد اپنی شوبز کی مصروفیات دوبارہ شروع کر دیں گی۔