معروف ماڈل و اداکارہ نادیہ حسین نے فریضہ حج کی ادائیگی کے بعد پاکستان پہنچ کر دوسرے روز ہی شوبز کی سرگرمیوں میں حصہ لینا شروع کردیا ۔ گزشتہ شب انہوں نے 4 روزہ پاکستان فیشن ویک 2017 کے ابتدائی شو میں بین الاقوامی شہرت یافتہ فیشن ڈیزائنر شمائل انصاری کے ڈیزائن کردہ ملبوسات زیب تن کرکے ریمپ پر واک کی ۔ سولو فیشن شو میں نادیہ حسین کے علاوہ سنیتا مارشل، صدف کنول، اقرا و دیگر ماڈلز نے بھی حصہ لیا۔

اس موقع پر ماڈلز کا کہنا تھا پروفیشنل ازم کا تقاضا ہے کہ ہم اپنی ذاتی مصروفیات کو بھی نظر انداز کرکے معاہدے کے تحت وقت دینے کے پابند ہیں ۔ مذکورہ فیشن ویک میں ملک بھر کے 18 ڈیزائنرز اپنے ملبوسات کی نمائش کرینگے جس میں ٹی وی ، فلم اور تھیٹر کے فنکاروں کیساتھ ساتھ ماڈلز بھی ریمپ پر واک کریں گی۔