Namzdaur recorded

لالہ موسیٰ(جمیل احمدطاہر)لالہ موسیٰ میں سنی تنظیمات کی طرف سے دیے گئے دھرناکے منتظمین سمیت 22نامزداور 200نامعلوم افرادکیخلاف مقدمہ درج، تفصیل کے مطابق منگل کی شام میلادچوک جی ٹی روڈ لالہ موسیٰ پراسلام آباددھرناکی حمائت میں دیے گئے دھرناکے شرکاء کو پولیس نے رات گئے آنسوگیس کی شیلنگ،لاٹھی چارج کرکے منتشرکردیا،پولیس نے موقعہ سے درجن بھرافرادکو گرفتارکرلیا جبکہ دھرناکے منتظیمن علامہ محمدیوسف سیالوی،مولاناغلام ربانی چشتی،عثمان عزیزقادری،عبدالواحدسیالوی،علامہ طارق محمودچشتی،قاری شہزادمجددی،قاری لیاقت علی جلالی کھاریاں،علامہ غلام مرتضیٰ طیب،مولاعطاء اللہ کیلانی ،حافظ محمدعمران سیالوی سمیت 22نامزداور 200نامعلوم افرادکیخلاف زیردفعہ 353/427/436/395/341/186/148/149/788اور 16ایم پی او کے تحت مقدمہ درج کرلیاگیاہے،جبکہ ایس پی ،ڈی ایس پیزاور پولیس کی بھاری نفری کے ساتھ عثمان عزیزقادری کی رہائشگاہ چکرمحلہ میں چھاپہ مارااور عثمان عزیزقادری کے نہ ملنے پر اس کے بڑے بھائی سرعبدالحمیدکو حراست میں لے لیا،جبکہ دیگرراہنماؤں کی گرفتاری کیلئے بھی چھاپے مارے گئے ۔