Nawaz Sharif

آئندہ مالی سال کے وفاقی بجٹ کی منظوری کے لئے قومی اقتصادی کونسل اور کابینہ کے اجلاس پیر کو طلب کر لئے گئے۔ وزیر اعظم لندن ہائی کمیشن سے ویڈیو لنک پر اجلاسوں کی صدارت کریں گے۔ وزیر اعظم نے بجٹ بروقت پیش کرنیکی ہدایت کر دی۔
اسلام آباد: (یس اُردو) وفاقی وزیر خزانہ اسحاق ڈار کی زیرصدارت مشاورتی اجلاس میں اہم فیصلے کئے گئے۔ بجٹ کی منظوری کیلئے قومی اقتصادی کونسل اور کابینہ کے اجلاس پیر کو طلب کر لئے گئے ہیں۔ وزیر اعظم لندن سے ویڈیو لنک کے ذریعے اجلاس کی صدارت کریں گے۔ترجمان وزیر اعظم کے مطابق نواز شریف پیر کو پاکستان ہائی کمیشن لندن جائیں گے۔ وہ ویڈیو لنک پر قومی اقتصادی کونسل اور وفاقی کابینہ کے اجلاسوں سے خطاب کریں گے اور آئندہ مالی سال کے وفاقی بجٹ کی منظوری دیں گے۔ذرائع کے مطابق وزراء کے اجلاس میں فیصلہ کیا گیا کہ وزیر اعظم کی عدم موجودگی میں اسحاق ڈار اہم امور کی نگرانی کرینگے۔ وزیر اعظم کو ملکی صورت حال سے مکمل طور پر باخبر رکھا جائےگا۔ ڈاکٹروں نے انہیں سرجری کے بعد 2 ہفتے آرام کرنے کا مشورہ دیا ہے۔