لندن: برطانیہ میں نواز شریف کے گھر ایون فیلڈ فلیٹس کے باہر مشتعل افراد نے مظاہرہ کیا اور دروازے پر لاتیں ماریں جب کہ ن لیگ کے مقامی رہنما کو مارنے پیٹنے کی بھی کوشش کی۔
لندن میں نواز شریف کی ایون فیلڈ رہائشگاہ کے باہر مشتعل نوجوانوں نے ہنگامہ کردیا جس پر برطانوی پولیس کو مداخلت کرنا پڑی۔ واقعے کی ویڈیو بھی وائرل ہوگئی۔
PTI activists attempt to break back entrance of Avenfield apartments seconds after nawaz Sharif entered red into the house, trolley thrown at Ejaz Gull. Police has responded pic.twitter.com/uR4h1RNgLM
— Murtaza Ali Shah (@MurtazaViews) July 8, 2018
نواز شریف لندن میں اپنی ایون فیلڈ رہائشگاہ میں داخل ہو رہے تھے کہ مشتعل نوجوانوں نے ان کے خلاف نعرے بازی شروع کردی اور ان کی جانب بڑھنے کی کوشش کی تو ن لیگکے مقامی رہنماؤں نے مداخلت کرکے مظاہرین کو روکا جب کہ حسین نواز بھی گھر سے باہر نکل آئے۔
People outside Avenfield Apartments asking vacate public property, it no more belongs to Sharif's.#سلام_عمران_خان pic.twitter.com/J2RwAH5L1j
— Khalid REBEL (@KhalidRadical) July 8, 2018
مشتعل افراد نے نواز شریف اور ان کے اہل خانہ کے خلاف نازیبا زبان استعمال کی جب کہ ایک نوجوان نے مسلم لیگ ن کے رہنما اعجاز گل پر ٹرالی اچھال دی جس سے وہ بال بال بچے۔ بعدازاں بڑی تعداد میں مظاہرین نے نواز شریف کے خلاف احتجاج کیا اور ان کے خلاف نعرے لگائے۔ مظاہرین نے پاکستان تحریک انصاف کے پرچم اٹھائے ہوئے تھے۔ چند افراد نے لاتیں مار کر حسین نواز کے فلیٹ کا عقبی دروازہ بھی توڑنے کی کوشش کی۔
Footage shows PTI activists chanting slogans in front of the Avenfield apartments before attempting to break the door in from the other side and throwing trolley on Ejaz Gull pic.twitter.com/ya3kXaoWBD
— Murtaza Ali Shah (@MurtazaViews) July 8, 2018
برطانوی پولیس کی بھاری نفری نے موقع پر پہنچ کر صورتحال کو کنٹرول کیا اور قریب کھڑی گاڑیوں کی تلاشی بھی لی گئی۔ برطانوی پولیس نے کہا کہ کسی کی نجی ملکیت کو نقصان پہنچانے والوں کے خلاف کارروائی کی جائے گی، تاہم تاحال واقعے میں ملوث کسی شخص کو گرفتار نہیںکیا گیا۔
Scotland Yard officers search cars outside Avenfield apartments after PTI activists stage protest. Police has suspicions that weapons may be carried. Search going on pic.twitter.com/GhaeRnSAqD
— Murtaza Ali Shah (@MurtazaViews) July 8, 2018
پاکستان تحریک انصاف نے واقعے میں اپنے کارکنوں کے ملوث ہونے کی تردید کی ہے۔ ترجمان پی ٹی آئی برطانیہ نے کہا کہ کارکنوں کو نواز شریف کی رہائش گاہ کے باہر جانے یا کسی بھی مظاہرے سے منع کیا ہوا ہے، حسین نواز کے گھر پر حملہ کرنیوالوں کو کیفر کردار تک پہنچایا جائے، عوام نواز شریف کی رہائشگاہ کے باہر مظاہرے کرنے میں وقت ضائع مت کریں، بلکہ انتخابات میں کردار ادا کریں اور ووٹ کے ذریعے تبدیلی لائیں۔
