پشاور: ٹی بی، کینسر، گردوں کے ڈائیلاسز اور آنکھوں کے آپریشن میں استعمال ہونے والی دوائی، درد، بخار، دمہ، سمیت 50 کے قریب ادویات کی فراہمی اور تیاری بند کردی گئی ہیں جس کے باعث پشاور میں ادویات کی قلت پیدا ہوگئی ہیں سرجیکل آلات کی قلت پہلے سے پیدا تھی ادویات کی قلت پیدا ہونے کے باعث ایرانی اور انڈین ادویات کی مانگ میں اضافہ ہوگیا ہے ادویات ساز کمپنیوں نے قیمتوں میں اضافہ نہ کرنے پر ان ادویات کی تیاری بند کردی ہیں محکمہ صحت کے ذرائع کے مطابق اہم ترین ادویات کی قیمتوں میں ادویات ساز کمپنیوں نے 20 سے 100 فیصد اضافہ کی درخواست کی تھی تاہم حکومت کی جانب سے ادویات کی قیمتوں میں اضافہ نہیں کیا گیا جس پر ادویات ساز کمپنیوں نے مختلف جان بچانے والی سمیت دیگر پچاس ادویات کی سپلائی اور تیاری بند کردی ہے ادویات ساز کمپنیوں نے موقف اختیار کیا ہے کہ کمپنیوں کی جانب سے انہیں ادویات کی سپلائی نہیں ہورہی ہے۔ اور کمپنیاں ان ادویات کو تیار نہیں کررہی ہے پچاس سے زائد ادویات صوبائی دارلحکومت پشاور کی مارکیٹ سے غائب ہو گئی ہے۔