: Nisar
دونوں دوست ممالک کے درمیان سرحدوں کی نگرانی اور معلومات کے تبادلے کے نظام کو مزید موثر بنایا جائے گا :ایرانی سفیر سے ملاقات
اسلام آباد (یس اُردو) وزیر داخلہ چودھری نثار علی خان نے کہا ہے کہ کوئی بھی تیسرا ملک ایران اور پاکستان کے تعلقات پر اثر انداز نہیں ہوسکتا ۔ وزیر داخلہ چودھری نثار علی خان سے ایرانی سفیر مہدی ہنر دوست نے ملاقات کی جس میں پاک ایران تعلقات ، سیکورٹی سمیت مختلف شعبوں میں دو طرفہ تعاون کے فروغ میں پیشرفت اور خطے میں پائی جانے والی صورتحال پر بھی تبادلہ خیال کیا گیا ۔ وزیر داخلہ نے کہا کہ کوئی بھی تیسرا ملک ایران اور پاکستان کے تعلقات پر اثر انداز نہیں ہوسکتا ۔ وزیرِ داخلہ کا دونوں ممالک کے مابین سرحدوں کی نگرانی اور معلومات کے بر وقت تبادلے کے نظام کو مزید مؤثر بنانے پر زور دیا ۔
