not charged Asim

ملزم کی تحریری درخواست پر عدالت نے جیل سپرنٹنڈنٹ اور جناح ہسپتال سے میڈیکل رپورٹ بھی طلب کر لی
کراچی (یس اُردو) اربوں کی کرپشن کا معاملہ ، ڈاکٹر عاصم کی پیشی میں تاخیر کے باعث فرد جرم عائد نہ ہوسکی ۔ ڈاکٹر عاصم نے وزیر اعظم کے خلاف منی لانڈرنگ کیس کا مطالبہ کر دیا ۔ ڈاکٹر عاصم کے خلاف نیب کورٹ میں 17 ارب اور 462 ارب روپے کی کرپشن کے الزام میں 2 ریفرنس زیر سماعت ہیں ۔ ڈاکٹر عاصم کو جیل حکام نے 10 بجے کے بعد عدالت میں پیش کیا جبکہ عدالت نے ایک ریفرنس کی سماعت 8 بجکر 45 منٹ پر ملتوی کر دی ۔ عدالت نے جیل حکام پر شدید برہمی کا اظہار کرتے ہوئے ہدایت کی کہ آئندہ سماعت پر ڈاکٹر عاصم کو ساڑھے 8 بجے عدالت میں پیش کیا جائے ۔ عدالت نے دوسرے ریفرنس کی سماعت بھی 25 اپریل تک ملتوی کر دی ۔ عدالت نے ڈاکٹر عاصم کی تحریری درخواست پر جیل سپرنٹنڈنٹ سے رپورٹ اور جناح ہسپتال سے میڈیکل رپورٹ 9 اپریل کو طلب کرلی ۔ سماعت کے بعد ڈاکٹر عاصم نے میڈیا کے نمائندوں سے گفتگو کرتے ہوئے مطالبہ کیا کہ جس طرح ان کے خلاف مقدمہ بنایا گیا ہے ۔ وزیر اعظم کے خلاف بھی بنایا جائے کیونکہ قانون سب کیلئے برابر ہے