Occupied Kashmir
کشمیر میڈیا سروس کے مطابق وسیم احمد مالہ اور نصیر احمد پنڈت کو گھر گھر تلاشی کے دوران فائرنگ کا نشانہ بنایا گیا
سری نگر (یس اُردو) قابض بھارتی افواج نے ریاستی دہشت گردی جاری رکھتے ہوئے مقبوضہ کشمیر میں مزید دو بے گناہ نوجوانوں کو شہید کر دیا ہے ۔دونوں کشمیری نوجوانوں کو مقبوضہ کشمیر کے ضلع شوپیاں میں جعلی مقابلے میں شہید کیا گیا ۔ کشمیر میڈیا سروس کے مطابق وسیم احمد مالہ اور نصیر احمد پنڈت کو گھر گھر تلاشی کے دوران فائرنگ کا نشانہ بنایا گیا جبکہ اس علاقے میں بھارتی فورسز نے ایک گھر کو بھی منہدم کیا ہے ۔بھارتی فورسز نے دعویٰ کیا ہے کہ دونوں نوجوان علیحدگی پسند تنظیم حزب المجاہدین کے جنگجو تھے جوکہ ایک جھڑپ میں مارے گئے ہیں ۔
