ODI series against
انگلینڈ کے خلاف ون ڈے سیریز کے لیے ابتدائی کھلاڑیوں کے نام فائنل کر لیے گئے ۔ چیف سلیکٹر کے بھیجے امام الحق کو سرپرائز انٹری مل گئی ۔ حتمی اعلان تربیتی کیمپ کے بعد کیا جائے گا۔
لاہور: (یس اُردو) گوروں کے دیس ٹیسٹ کے بعد ون ڈے سیریز بھی شیڈول ہے۔ ذرائع کے مطابق جس کے لیے قومی ٹیم کے ابتدائی اسکواڈ کی فہرست تیار کر لی گئی ہے ۔ ون ڈے سیریز کے ابتدائی اسکواڈ کے لیے ممکنہ کھلاڑیوں میں احسان عادل، انور علی، امام الحق ، بابر اعظم ، صہیب مقصود، جنید خان، شعیب ملک، عمر گل، محمد عرفان ، عماد وسیم، شرجیل خان اور حسن علی کے نام شامل ہیں ۔ ان ممکنہ بارہ کھلاڑیوں میں چیف سلیکٹر کے بھتیجے امام الحق کی انٹری حیران کن خیال کی جا رہی ہے جنہیں دورہ انگلینڈ کے ابتدائی کیمپس میں بھی نہیں بلایا گیا تھا۔ ابتدائی اسکواڈ کا تربیتی کیمپ یکم اگست سے لاہور میں لگنے کا امکان ہے جبکہ حتمی قومی ون ڈےاسکواڈ کا اعلان چوتھے پاک انگلینڈ ٹیسٹ سے قبل ہو گا جس کے لیے انگلینڈ میں موجود چیف سلیکٹر انضمام الحق نے ابھی سے کرکٹ کے بڑوں سے سر جوڑ لیے ہیں ۔
