اٹلی (ویب ڈیسک)بولی وڈ کے رومانٹک جوڑے رنویر سنگھ اور دپیکا پڈوکون نے یوں تو 14 نومبر کو شادی کی تھی۔تاہم ان دونوں نے 15 نومبر کو بھی دوبارہ شادی کی۔دونوں نے پہلے دن کونکنی اور دوسرے دن سندھی روایات کے مطابق اٹلی کے معروف سیاحتی مقام لوک کومو کے ایک پر تعیش ریزورٹ کے قریب شادی کی۔

ان کی شادی دیگر شخصیات کی شادیوں سے اس لیے بھی منفرد تھی کہ ان کی تصاویر سامنے نہیں آئی تھیں۔حیران کن بات یہ ہے کہ جوڑے نے اپنی شادی کی تصاویر پہلے دن تو دور دوسرے دن کی سہ پہر تک بھی جاری نہیں کی تھی۔تاہم 15 نومبر کی شام کو جوڑے نے اپنے مداحوں سے شادی کی پہلی تصاویر شیئر کیں۔رنویر سنگھ اور دپیکا پڈوکون نے اپنے اپنے سوشل میڈیا اکاؤنٹس پر ایک جیسی 2 تصاویر شیئر کیں، جن میں دونوں کو انتہائی خوش دیکھا گیا۔دونوں نے شادی کی دونوں رسومات کی تصاویر شیئر کیں، جن میں انہیں کونکنی اور سندھی روایتی شادیوں کے لباس میں دیکھا جا سکتا ہے۔کونکنی شادی کی رسم میں رنویر سنگھ سفید لباس میں نظر آئے جب کہ سندھی روایات کے مطابق کی جانے والی شادی میں دونوں سرخ لباس میں ںظر آئے۔دپیکا پڈوکون کی جانب سے شیئر کی جانے والی دونوں تصاویر میں کونکنی روایات کے مطابق ہونے والی شادی کی تصویر فرنٹ پر شیئر کی گئی، کیوں کہ ان کا تعلق اسی نسل سے ہے۔جب کہ رنویر سنگھ کی جانب سے شیئر کی گئی تصاویر میں سندھی روایات کے مطابق ہونے والی شادی کی تصویر فرنٹ پر شیئر کی گئی، کیوں کہ ان کا تعلق سندھی نسل سے ہے۔خیال رہے کہ جوڑا 17 نومبر تک لیک کومو کے پر تعیش ہوٹل میں رکے گا، جس کے بعد 18 نومبر کو وہ بھارت واپس آئیں گے۔بھارت میں بھی دونوں کی جانب سے شادی کی 2 مختلف تقریبات منعقد کی جائیں گی، جن میں دونوں اپنی اپنی خاندانی روایات کے مطابق نظر آئیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں
اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔