Over 900 films completed the only artist I am, love Cheema

پاکستان فلم انڈسٹری کے سینئر اداکار شفقت چیمہ نے کہا ہے کہ میں 900 سے زائد فلمیں مکمل کر نے والا فلم انڈسٹری کا بڑا اور واحد فنکار ہوں ، ہمار ی شوبز انڈسٹری میں بے پناہ صلاحیت ہے مگر بد قسمتی سے حکومت اسے سپورٹ نہیں کرتی ۔ اگر حکومت سپورٹ کرے تو ہم بھارت سے بہتر اور معیاری فلمیں بنا سکتے ہیں۔ان خیالات کا اظہار اْنہوں نے یہاں ایک شادی کی تقریب میں شرکت کے موقع پر میڈیا سے خصوصی گفتگو کرتے ہوئے کہا۔ شفقت چیمہ نے کہاکہ جہاں بھارت میں اپنی فلم انڈسٹری کو بھر پور سپورٹ کی جا تی ہے ہمیں یہاں تھانے میں شوٹنگ کیلئے بھی ایس ایچ او کی اجازت لینے کیلئے بڑی مشکل ہوتی ہے۔انہوں نے کہا کہ میں حافظ قرآن بھی ہوں اورمیں نے ترجمہ و تفسیر کے ساتھ بھی قرآن پڑھا ہے ۔میں نعت خواں بھی ہوں۔