کامرہ: ائیرچیف مارشل سہیل امان کا کہنا ہے کہ پاک فضائیہ مکمل خود انحصاری کی جانب تیزی سے گامزن ہے اورایوی ایشن سٹی کے قیام سے اس شعبے میں بہتری کے ساتھ معاشی ترقی بھی ہوگی۔

Pak air force is rapidly moving towards autonomy, Air Chief Marshal

چیف آف دی ائیراسٹاف ائیرچیف مارشل سہیل نے ایوی ایشن سٹی کے قیام کی تقریب سے خطاب میں کہنا تھا کہ پاک فضائیہ کے دفاعی وژن کے تحت ایوی ایشن سٹی کا قیام عمل میں آیا، ایوی ایشن سٹی کے قیام سے اس شعبے میں بہتری کے ساتھ معاشی ترقی بھی ہوگی۔  ائیر چیف مارشل سہیل امان نے کہا کہ پاک فضائیہ مکمل خود انحصاری کی جانب تیزی سے گامزن ہے، پاک فضائیہ انجینیرنگ میں بھی اپنا کردار ادا کررہی ہے اور ایرواسپیس اینڈایوی ایشن کیمپس آف ایئر یونیورسٹی کا قیام بھی عمل میں لارہے ہیں۔ ائیرچیف مارشل سہیل امان نے کہا کہ اسلام آباد اور کراچی میں میڈیکل ایئر یونیورسٹیز بھی قائم کی جارہی ہیں، ایئر یونیورسٹی ملک میں اعلیٰ تعلیم کے فروغ میں اہم کردارادا کررہی ہے جب کہ مضبوط دفاع کیلیے ایسے اداروں کا قیام وقت کی ضرورت ہے۔ اس سے قبل ایوی ایشن سٹی کے قیام کے سنگِ بنیاد رکھنے کی پْروقارتقریب ہوئی، وفاقی وزیربرائے منصوبہ بندی احسن اقبال تقریب کے مہمانِ خصوصی تھے جب کہ چیف آف دی ائیر اسٹاف ائیر چیف مارشل سہیل امان تقریب میں موجود تھے۔