کراچی :قومی ویمنز کرکٹ ٹیم کو آئی سی سی ویمنز ون ڈے ورلڈ کپ میں شرکت کیلئے سخت چیلنج کا سامنا ہے ۔ واضح رہے کہ ویمنز ورلڈ کپ کوالیفائرز کی میزبانی کولمبو کرے گا اور آئندہ برس فروری میں ہونے والے میگا ایونٹ میں پاکستان سمیت دس ٹیمیں ایکشن میں نظر آئیں گی جن میں سے تین ٹیموں کے پاس موقع ہو گا کہ وہ میگا ایونٹ میں جگہ بنا سکیں ۔ پاکستان ، انگلینڈ، ویسٹ انڈیز ، نیوزی لینڈ، جنوبی افریقہ اور بھارت کے درمیان باقی تین سپاٹ حاصل کرنے کیلئے سخت مقابلہ ہو گا کیونکہ آسٹریلیا ویمنز چیمپئن شپ جیت کر پہلے ہی ورلڈ کپ میں جگہ بنا چکا ہے ۔ واضح رہے کہ اس وقت پاکستان ساتویں پوزیشن پر ہے جبکہ بہتر رینکنگ والی پانچ ٹیموں سے میگا ایونٹ میں جگہ بنانے کیلئے اسے سخت مقابلہ کرنا ہو گا ۔