پاکستان فیسٹول فرانس 2019ستمبر29 کو بھرپور طریقے سے منایا جائیگا، تمام کمیونٹی فیسٹول کی جان ہے، ہرپاکستانی فیسٹول کو کامیاب بنانے کیلئے کرداراداکرے، عبدالقدیر

پیرس؍اسلام آباد(ایس ایم حسنین) پاکستان فیسٹول فرانس کے بانی صدر عبدالقدیرنے تیسرے ایڈیشن کے بھرپور انعقاد کی تفصیلات کے بارے میں بات چیت کرتے ہوئے کہا کہ پاکستان فیسٹول 29 ستمبر کو بھرپور طریقے سے منایا جائیگا۔ پیرس میں بسنے والے پاکستانی فیسٹول کی جان ہیں ۔اس لئے ہر پاکستانی کا اخلاقی فرض ہے کہ وہ فیسٹول کو کامیاب بنانے کیلئے بھرپور کردارادا کرے۔

انہوں نے کہا کہ پاکستان فیسٹول پاکستانی کمیونٹی کی پہچان ہے اس کی کامیابی فرانس میں پاکستانی وکشمیری کمیونٹی کی کامیابی ہے اورہمارے قومی تشخص کا عظیم مظہر ہے۔ اس میں ہر پاکستانی جوش وجذبے کیساتھ شریک ہوکر اپنے قومی تشخص کا مظاہرہ کرے گا۔

انشااللہ پاکستان فیسٹول کا تیسرا ایڈیشن اورہر آنے والا ایڈیشن بھرپور ہوگا ۔