Nawaz Sharif
اسلام آباد (جیوڈیسک) وزیر اعظم نواز شریف کا کہنا ہے کہ پونے دوارب آبادی پر مشتمل جنوبی ایشیاء دنیا کی بڑی مارکیٹ ہے۔ پاکستان سارک کو خطے کے امن واستحکام کے لیے بہت اہم سمجھتا ہے۔
وزیر اعظم نواز شریف نے ان خیالات کا اظہار اسلام آباد میں سارک کابینہ سیکرٹریوں کے وفدسے ملاقات کے دروان کیاس موقع پر وزیر اعظم کا کہنا تھا کہ علاقائی ترقی امن اور استحکام کے لیے سارک کو اہمیت دیتے ہیں۔
کابینہ سیکرٹریوں کا فورم سارک کو فعال بنانے میں اہم کردار اداکریگا۔ وزیر اعظم نے کہا کہا کہ، انسانی قدرتی وسائل سے استفادہ کرکے ترقی کا خواب پورا ہوسکتا ہے ۔وسائل سے مالامال سارک ممالک عوام کی زندگیاں بہتر بنانے میں اہم کردار ادا کرسکتے ہیں۔
