پاکستان بمقابلہ انگلینڈ : قومی ٹیم کے اوپنر امام الحق نے تاریخ رقم کردی۔۔ Yes Urdu - Overseas Urdu News

برسٹل(ویب ڈیسک) قومی کرکٹ ٹیم کے اوپنر امام الحق انگلینڈ کے خلاف ون ڈے میں سب سے بڑی انفرادی اننگز کھیلنے والے پاکستانی بن گئے۔ امام الحق نے انگلینڈ کے خلاف تیسرے ایک روزہ میچ میں شاندار اننگز کھیلی اور 131 گیندوں پر ایک چھکے اور 16 چوکوں کی مدد سے 151 رنز بناکر آؤٹ ہوئے۔ امام الحق نے 151 رنز بناکر تاریخ رقم کی ہے اور انگلینڈ کے خلاف ایک روزہ میچز میں سب سے بڑی انفرادی اننگز کھیلنے والے پاکستانی بن گئے ہیں۔ اس سے قبل یہ اعزاز فخر زمان کے پاس تھا جنہوں نے 138 رنز کی اننگز کھیلی تھی۔ فخر زمان نے یہ اعزاز انگلینڈ کے خلاف جاری سیریز کے دوسرے میچ میں حاصل کیا تھا۔ فخر زمان نے 20 برس بعد اعجاز احمد کا ریکارڈ توڑا تھا تاہم اگلے ہی میچ میں امام الحق نے یہ ریکارڈ فخر زمان سے چھین لیا۔ ماضی کے اسٹار بیسٹمین اعجاز احمد نے 1999 میں انگلینڈ

کے خلاف 137 رنز بنائے تھے جب کہ 1987 میں جاوید میانداد نے 113 رنز کی اننگز کھیلی تھی۔