Aizaz Ahmad
اسلام آباد (جیوڈیسک) سیکریٹری خارجہ اعزاز احمد چوہدری نے کہا ہے کہ یمن میں پھنسے ہوئے پاکستانیوں کا انخلا حکومت کی اولین ترجیح ہے۔
انھوں نے کہا کہ وزیراعظم نواز شریف یمن میں پھنسے ہوئے پاکستانیوں کے انخلا کی خود نگرانی کر رہے ہیں۔
پاکستان کا ایک بحری جہاز (آج) جمعرات کو عدن پہنچ جائیگا جبکہ چینی بحریہ کا جہاز بھی عدن پہنچ رہا ہے۔
پاکستان کے سعودی عرب کیساتھ تاریخی تعلقات ہیں اور پاکستان کے عوام سعودی عرب کا حجاز مقدس کی وجہ سے بہت احترام کرتے ہیں۔
