ہماری جدوجہد شہیدوں کامشن جاری رکھنے کیلئے ہے، راحت کاظمی

جدوجہد کو عملی شکل دے کر ہی حقیقی کامیابی ممکن ہے، راحت کاظمی

رپورٹ (سید معارف الحسنین ) راولپنڈی میں محترمہ بے نظیر شہید کی 65 ویں سالگرہ دھوم دھام سے منائی گئی۔ اس موقع پر سید راحت کاظمی نے مرکزی قیادت اور سٹی اورڈویژن عہدیداروں کے اعزاز میں عشائیہ بھی دیا انہوں نے   سب مہمانوں کی آمد کا شکریہ ادا کیا اور کہا کہ جمہوری جدوجہد میں راولپنڈی کے عوام کو ساتھ لے کر چلیں گے اور پیپلز پارٹی شہیدوں کی پارٹی ہے اور کسی پارٹی نے جمہوریت کیلئے اتنی شہادتیں نہیں دی ہیں جتنی پاکستان پیپلزپارٹی نے دی ہیں۔ اس لئے ہم سب کو ساتھ لے کر چیں گے اور ہمیں چاہیے کہ شہیدوں کا مشن جاری وساری رہے کیونکہ یہی ہماری بقا ہے۔ اورزبانی نعرے نہیں جدوجہد کو عملی شکل دے کر ہی حقیقی کامیابی ممکن ہے۔ شہید بی بی کی سالگرہ نہ صرف پاکستان بلکہ پوری دنیا میں منائی گئی ہے۔اس لئے یہ اہم ترین دن ہے جس نے پاکستان پیپلز پارٹی اور پاکستانی عوام اور عالم اسلام کو ایک عظیم لیڈر سے نوازا ہے۔

پاکستان پیپلز پارٹی کے سیکرٹری جنرل نیئر حسین بخاری، ترجمان صدر پاکستان پیپلز پارٹی پارلیمنٹرین عامر فدا پراچہ، چوہدری افتخار،بلاول بھٹو فورس راولپنڈی ڈویژن وسٹی کے عہدیدار راجہ عمران ایڈووکیٹ، سید معارف الحسنین، شیخ فیاض، ملک حیدر، شیخ سہیل، شیخ ساجد ، چوہدری بنارس وغیرہ نے خصوصی شرکت کی اس کے علاوہ بڑی تعداد میں پاکستان پیپلز پارٹی کے جیالوں اور اہلیان علاقہ کی شرکت نے پاکستان پیپلز پارٹی کی بیداری کا اعلان کردیا۔