PTI France

پیرس (نمائندہ خصوصی ) پاکستان کا سب سے بڑا مسئلہ وہ طبقاتی نظام ہے جو نہ صرف حصول حقوق و انصاف کی راہ میں سب سے بڑی رکاوٹ ہے بلکہ اس طبقاتی نظام کے سہارے سیاسی و مذہبی جماعتوں نے اسلحہ اور جرائم پیشہ عناصر کے بل بوتے پر مافیاز کی شکل اختیار کرکے ملک میں آئین و قوانین کی دھجیاں بکھیرنے کے ساتھ ہر طرح کے جرائم اور دہشتگردی کو بھی فروغ دیا ہے جبکہ اسی طبقاتی نظام نے حکمران طبقے کو اتنا بااختیار بھی بنایا ہے کہ وہ ریاستی قوت اور اداروںکی مدد سے مخالفین کو کچلنے اور غدارقرار دینے و اثابت کرنے پر بھی قادر ہے اسلئے پاکستان کے محفوظ مستقبل کیلئے وطن عزیز سے طبقاتی نظام کا خاتمہ ضروری ہے ۔ پاکستان تحریک انصاف فرانس کے صدر عمر رحمن ، نائب صدر اصغر برہان ، اشفاق احمد چوہدری ،خالد پرویز چودھری ، جنرل سیکرٹری رانا عمران عارف ، سیکرٹری انفا رمیشن افضال احمد گوندل اور سیکرٹری فنانس مظہر گوندل و دیگر نے تمام سیاسی و مذہبی جماعتوں کیخلاف 90جیسا آپریشن کرکے تمام جماعتوں میں موجود جرائم پیشہ عناصر کی گرفتاری اور تمام سیاسی ومذہبی جماعتوں کو اسلحہ سے پاک کرنے کی ضرورت پر زور دیتے ہوئے کہا کہ حفاظت کے نام پر اسلحہ کی نمائش کا خاتمہ کیا جائے کیونکہ اسلحہ کبھی کسی کی محافظ ثابت نہیں ہوسکتا قوم کی حفاظت کیلئے آئین و قوانین پر بلا تفریق و تخصیص مکمل عملدرآمد اور حکومتی رٹ کی بحالی ضروری ہے جس کیلئے مقامی خود مختاری کا نفاذ ناگزیر ہے