Pakistan’s military alliance against terrorism

فیصلہ دہشتگردی کیخلاف اپنے موقف کے باعث کیا ، بھارت کے ساتھ بامقصد مذاکرات چاہتے ہیں :ترجمان دفتر خارجہ
اسلام آباد (یس اُردو ) ترجمان دفتر خارجہ نے دہشتگردی کیخلاف 34 ممالک کے فوجی اتحاد کا حصہ بننے کی تصدیق کی ہے ۔ ترجمان کا کہنا ہے کہ پاکستان نے 34 ملکی اتحاد کا خیرمقدم دہشتگردی کیخلاف اپنے موقف کے باعث کیا ۔ ترجمان دفتر خارجہ قاضی خلیل اللہ نے ہفتہ وار میڈیا بریفنگ میں بتایا کہ پاکستان 34 ممالک کے فوجی اتحاد کا حصہ ہے ۔ اس اتحاد سے متعلق مزید تفصیلات کا انتظار ہے ۔ تفصیلات ملنے کے بعد طے ہوگا کہ فوجی اتحاد میں پاکستان کی شرکت کتنی ہوگی ۔ ترجمان کا کہنا تھا کہ پاکستان نے 34 ملکی اتحاد کا خیرمقدم دہشتگردی کیخلاف اپنے موقف کے باعث کیا ہے ۔ ترجمان کے مطابق اے پی ایس سانحہ کی پہلی برسی کے موقع پر دفتر خارجہ شہداء کے جذبوں کو خراج تحسین پیش کرتا ہے ۔ ترجمان نے کہا کہ بھارت کے ساتھ نتیجہ خیز اور بامعنی مذاکرات چاہتے ہیں ۔